Vettvangur vagnverja

For kræing ád lád ...

Fri, 18 May 2012 10:28:01 GMT

... er ekki löngu kominn tími á að hinn léttleikandi & ljúfi dr. Gylforce fari í strætósokkana & skelli sér á vagnavachtina???

Spyr sá er ei veit - veit sá er ei spyr ...

Hvert þó í skíðlogandi ... ???

Mon, 12 Mar 2012 17:00:49 GMT

http://mbl.is/frettir/innlent/2012/03/12/fordudu_ser_ut_ur_brennandi_straeto/

Lokun bloggsentrals ...

Wed, 01 Feb 2012 08:35:53 GMT

Jæja vagnverjar!

Brátt verður blogcentral lagt niður & hefir dr.-inn huxað sér til hreyfings & stofnað eðalsíðu hjá Visi með slóðinni

http://blogg.visir.is/vagnverjar/

Undur undirlendisins ...

Tue, 31 Jan 2012 08:05:44 GMT

Hinn hvítleiti & hvetjandi dr. Gylforce kvað upp ógurligt unaðskvein þegar hann áttaði sig á því að hann væri í tvígang á leið á leið til & frá Hveragerði. Maður lifande - loxins fékk doksi kallinn að upplifa undur Suðurlandsundirlendisins hvað vagna áhrærir.

Dr.-inn hoppaði hnarreistur að Shell skálanum í Hveragerði á laugardagskvöldið en þaðan fer vagninn. Doksi kallinn vatt sér inn í skálann til að birgja sig upp af Maxinu & ákvað að spyrjast fyrir um vagninn við afgreiðsluborðið.

Þar tók - illu heilli - við döpur raun; afgreiðsludaman hapði ekki hugmynd um hvort vagninn væri að koma eður ei, gat ekki bent doksa á neinn bækling eða veggspjald með ferðum vagnsins. M.ö.o., hún vissi ekki neitt, blessunin.

Nú er Shell skálinn í Hveragerði ekki hluti af Strætó bs. en það er helv. dapurt að geta ekki liðsinnt (eða leiðsinnt?) vagnverjum. Dr.-inn var vitaskuld búinn að athuga með ferðir en langaði að láta reyna á þjónustuna. Þar kom hann að galtómum kofanum. Hvað um það.

Leið 52 kom svo 10 mínútum of seint enda hávaðarok & leiðindafærð þetta laugardagskvöld. Doksi fékk 404 vagn þeirra Fjarðarmanna - blár & gulur að lit - & var vagnstjórinn öryggið uppmálað alla leið að Mjóddinni.

Hjá Breiðhyltingum tók við heldur leiðinleg lífsreynsla. Vagninn úr Hveragerði lenti um kl. 20:20 í Mjódd en aðrir vagnar samlagsins eru flestir með klukkutímatíðni aukinheldur sem biðstöðin er lokað kl. 18 á laugardögum. Þarna vantar alla samræmingu.

Dr.-inn mátti hírast í skítaveðri & bíða eptir leið 4 í tæpan hálftíma hvar 128 Citelis kom & færði hann í Hamraborg okkar Kópvæginga.

Dr.-inn tók svo 401 vagninn á leið 51 til Hveragerðis í gær & fékk fína ferð með urmul vagnverja um borð & ljóst að þessi leið er mikið notuð.

f
Nýju bláu/gulu vagnarnir eru ólíkt fallegri en þeir gömlu.

305-306 ...

Fri, 27 Jan 2012 11:09:40 GMT

Hinn einurðarlausi en þó aflasæli dr. Gylforce óð snjóinn upp að öxlum & hitti á vinalega vagnstjórann á hinni fyrstu ferð á leið 35 í morgun. Dr.-inn var annar vagnverjinn í ferð þessari með hinum stutta 305 MAN vagni sem var heitur & þægilegur að venju.

Doksi kallinn skáskaut sér inn í leið 28 & fékk hinn sænskættaða 306 vagn & fékk 7:07 ferðin frá Hálsatorginu að þeim hörðustu 11 vagnverja sem er mjög gott miðað við fyrri ferðir.

mynd geirinn.is

Í klyftir & kné ...

Thu, 26 Jan 2012 08:39:35 GMT

mynd frá mbl.is

Hinn kafaldi & kófsveitti dr. Gylforce komst naumlega leiðar sinnar í kófinu í gær hvar hann gerði sér dælt við leið 28 á leið í Hamraborg hér uppi á þeim hörðustu.

Hinn sænskættaði 306 vagn var 5 mínútum of seinn sem verður nú bara að teljast allgott miðað við aðstæður. Doksi kallinn tók þann kostinn að fara ekki í gegnum Mjódd þeirra Breiðhyltinga hvar hann vildi ekki hitta vagnstjórann á 132 Citelisvagninum á leið 4 sem ætlaði að henda honum út fyrir það eitt að hafa eðaldrukk í fórum sínum. Hvað um það.

Leið 28 komst að lúkningu upp í Hamraborg & áði stuttlega við Hálsatorgið & tókst dr.-num að skipta þar fimlega um vagn & tylla sér tignarlega í hinn stutta 304 MAN vagn á leið 35.

Kafald
& kóf
í klyftir
& kné.
Hvað er
að ske
hér á
landi á?

Ofanbylur í ofanálag ...

Tue, 24 Jan 2012 07:58:02 GMT

Mynd frá visir.is

Hinn offulli en þó ofgóði dr. Gylforce átti erfitt með að vorkenna ekki vinum sínum, vagnverjunum, sem tóku hina fyrstu leið 35 milli kl. 6:37-7:05 í morgun. Margir þeirra misstu af leiðum 1, 2 & 4 kl. 7:05 við Hamraborgina & urðu að gera sér að góða að hírast úti í ofankomunni & bíða eptir næstu ferð. Góðu heilli er að þessar leiðir eru á 15 mínútna fresti á morgnana.

Það er óhjákvæmilegt að áætlanir fari úr skorðum í svona mikilli ofankomu & kófi en dr.-inn slapp hvar leið 35 & 28 náðu ágætlega saman við Hálsatorg okkar Kópvæginga.

188 ...

Sat, 21 Jan 2012 17:08:22 GMT

Nýr sænskættaður 2ja hásinga Volvo B12 hjá byggðasamlaginu. Kominn á leið 1 & fengið númerið 188 en síðast var nú forláta vetnis Benzvagn með þetta númer.

Nú á dr.-inn bara eptir að prófa.

Nýir sænskættaðir ...

Fri, 20 Jan 2012 21:54:17 GMT

Byggðasamlagið hefir fengið nýju/notuðu Volvuvagna sína afhenta.

Dr.-inn hefir séð 188, 190 & 191 & yfirleitt á leið leiðanna, leið 1. Þetta er 2ja hásinga vagnar að þessu sinni & á doksi eptir að prófa þá.

"Hey, þú þarna með gleraugun ..."

Fri, 20 Jan 2012 08:09:51 GMT

Dr. Gylforce komst heldur betur í hann krappan hvar hann hóaði í 132 Citelisvagninn á leið 4 við Mjóddina á miðvikudaginn.

Þessi annars ágæti Citelisvagn er væntanlega nýkominn á leið 4, - var opt á leið 3 - & hefir vagnstjórinn að öllum líkindum fylgt með því doksi kannaðist ekki við hann.

Vagninn lagði alltof seint af stað í Mjódd eða rúmum fimm mínútum eða kl. 17:26 & varð dr.-inn stressaður á því að ná leið 35 í Hamraborginni kl. 17:37. Það er álitamál hvursu lengi leiðir í Mjódd eiga að bíða eptir leið 3 sem alltaf virðist síðust & heldur ekki tímaáætlun sinni.

Hinn 132 Citelis ók af stað úr Mjódd en var varla langt kominn þegar vagnstjórinn æpti: "Hey þú þarna." Dr.-inn var vitaskuld upptekinn við rannsóknir á vagnverjum & veitti þessu ópi vagnstjórans enga athygli. Aptur kallaði vagnstjórinn & rann þá upp fyrir doksa kallinum að verið væri að kalla á hann. "Komdu hérna, já þú þarna með gleraugun."

Dr.-inn hlýddi vitaskuld vagnstjóranum & skokkaði frammí. "Hvað stendur hérna á skiltinum? Það er bannað að vera með drykki í bílnum - stranglega bannað". "Já," sagði dr.-inn. "Það er ekkert annað - gildir það líka mum eðaldrykkinn Pepsi Max?" "Heyrðu vinur, enga stæla. Fólk hefur verið að koma inn með gosdrykki sem skvettast svo í sætin & út um allt svo það hefur stundum þurft að fara með bílinn strax upp á Hestháls. Allt orðið klístrað & ógeðslegt." "Þá bara set ég MAX-ið oní tösku:" sagði doksi. "Já, þetta vil ég ekki sjá aftur í bílunum hjá þér." sagði vagnstjórinn að endingu & drattaðist svo doksi aptur í sætið sitt.

Vagnstjórar eru gjarnir á að vera mjög opt í sama vagninum & á sömu vachtinni. Held að dr. Gylforce haldi sig með öllu frá 132 vagninum sem er á 4-D vacthinni því MAX-ið er ómissandi þáttur í vagnarannsóknunum.

Það er nú bara þannig!

15-9 ...

Wed, 18 Jan 2012 08:38:17 GMT

Hinn refjótti & raupsami dr. Gylforce rölti í hægðum sínum frá laut sinni að skýlinu stundvíslega klukkan 6:40 í éljagangi en fráleitt þó í illhryssingsveðri. Þrír vagnverjar voru komnir um borð þegar dr.-inn bar að & áttu eptir að verða 15 talsins þegar leið 35 lenti heilu & höldnu að Hálsatorgi okkar Kópgvæginga.

Hinn stutti MAN 304 vagn á leið 35 hapði svo betur hvað fjölda vagnverja áhrærir miðað við leið 28 hvar um 9 verjar settust í leið þá frá Hálsatorginu að þeim hörðustu.

Ísjárvert í ísingunni ...

Tue, 17 Jan 2012 08:05:56 GMT

Hinn ískaldi & ískyggilegi dr. Gylforce ílentist í vögnunum - vinum vorum - í gær & tók upp fyrri kynni við leið 2. Hann hóaði í fyrsta lággólfsvagninn, Omnicity 174, & gladdi það hró hans hvar vagninn var sneisafullur - mestmegnis af menntaskólakrökkum - um kl. 15:35 í Hamraborg okkar Kópvæginga.

Vagninn leið lipurlega um Voginn & sté doksi kallinn út við Smárahverfið. Áður hapði hann venju samkvæmt kastað kveðju á hinn sænskættaða á leið 28 & einn frakkneskan á leið 4 við Mjódd. Allt þekktar stærðir þar.

& vörumst nú vagnverjar ísinguna sem hefir skollið á.

Sterkur á svellinu ...

Mon, 16 Jan 2012 08:06:18 GMT

Hinn reikandi en þó síreiknandi dr. Gylforce reikaði framhjá svellbunkum & að biðskýli sínu stundvíslega um kl. 6:40 í morgun. Aldrei þess vant var annar vagnverji kominn í skýlið & tveir aðrir til þegar inn í hinn stutta MAN 304 vagn var komið.

Dr.-inn taldi 14 innstig í þessa fyrstu ferð á leið 35 áður en hann hélt ótrauður í leið 28. Þar voru innstigin ekki nema 5 alla leið frá Hamraborg okkar Kópvæginga að hörðustu völlunum.

Þegar leið 28 beygir úr Hlíðarhjalla að Dalvegi - yfirleitt um kl. 7:15 - hittir vagninn optast 217 Crossway vagn á leið 24. Þar er C-vacthin á ferð á leið upp í Mjódd & vekur það ávallt óskipta athygli doksa að þeir Fjarðarmenn nota einn langan vagn (217) á leiðinni & tvo stutta Heuliezvagna. Hvað um það.

& svá fleiri ferðir í dag mmmm ...

Komist í krappt ...

Thu, 12 Jan 2012 12:29:43 GMT

Hinn kalkkendi & kulvísi dr. Gylforce kom sér með hraði inn í fyrstu ferð á leið 35 í gær. Vinalegi vagnstjórinn sló á létta strengi & bað doksa kallinn næst að færa nokkra bíla sem voru fyrir honum á Kópavogsbraut. HEHE ...

Hin fyrsta ferð með funheitum 304 MAN vagninum var með fögrum pólskum blæ - nú sem endranær - & endaði með um 15 vagnverja í Hamraborg okkar Kópvæginga. Nema hvað.

Eptir hæsta degið komst dr.-inn í hann krappan hvar hann missti af leið 35 í Hamraborginni. Leið 4 kom 8 mínútum of seint úr efri byggðum Breiðholts & bauð aukinheldur upp á 164 varavagn af Karosagerð.

Áætlanir eru fljótar að fara úr skorðum í (ó)færð sem þessari & fátt við því að gera en að fara um á tveimur jafn fljótum sem & doksi kallinn gerði. En hver gerði Gerði ...

Fádæma fannfall ...

Tue, 10 Jan 2012 08:00:05 GMT

Hinn fannhvíti & forkunnarfagri dr. Gylforce fannst bara "fönn" í fannferginu í morgun. Allt er þó breytingum háð & var dr.-inn fimmti vagnverjinn inn í fyrstu leið hjá leið 35 um kl. 6:41 í morgun. Öðruvísi honum áður brá hvar hann sté fyrstur inn í hinn funheita & stutta 304 MAN vagn.

Vinalegi vagnstjórinn stýrði fleyi sínu hægt en örugglega í höfn við Hamraborgina í snjóþyngslunum & voru allir aðrir vagnar komnir á undan honum. Hvað um það.

Á leiðinni, við Nýbýlaveginn kom á móti MAN vagninum 3ja hásinga vagn - ekki á leið - en eflaust á leið á leið 1 & á leið upp í Hamraborg. Gaman væri að vita hvursu lengi tekur að hita þessa löngu & fögru vagna.

Frá Hamraborg okkar Kópvæginga fékkst 301 Volvo vagn til fararinnar á leið 28. Eptirlitsmaður vachti yfir kortum okkar vagnverja á þeirri leið aukinheldur sem hann hélt stíft bókhald yfir alla sem stigu inn í vagninn.

Gladdi það hró doksa að óvenju margir voru í þessari ferð en venjulega erum vér bara fjórir verjarnir sem lullum ofar snælínu hér í Voginum en voru nú um 15 talsins.